FOLASAGA MINISITA O AOGA MA AGANUU MO LE SAINIA O MALIEGA O LE O.G.G.

SAMOA, February 10 - Tafaifaalii pea ia le tama na apo i Faga. E iai le manatu o Samoa ua uma ona tofi ona faapea lea ua apo i uta, ua ae tai aua ua tatou fesilafai fiafia i lenei taeao.

O le aso ma le auga o le fesilafaiga o le sainia o a tatou maliega i le va lea o Komiti Aoga, Puleaoga ma le Malo o Samoa e tauala atu i le tatou Matagaluega nei o Aoga ma Aganuu

Ae talu ai e iai ni vega taua sa laga i Fonotaga a le Palemene ma le Kapeneta ua ou manatu ai sei ou sau fai atu iai se tala ma faamanino nai vala ia ma le tele o le fenumiai ma va ai le fogavaa.

Muamua : O le a le S.S.F.G. S. poo le O.G.G?

Lua : Aisea na faavae ai?

Tolu: Ao ai e pule ai?

1. O le a le S.S.F.G.S poo le O.G.G.?

O le tupe faaagaga a le Malo e totogi ai piliaoga o fanau, aua mea fai a aogana afua ina ua pasia le tulafono o le Faamalosia o le aooga uma o fanau (5 tausaga I le 14 tausag) (Compulsory Education Act) – S.S.F.G.S. Samoa School Fees Grant Scheme)

Amata : 2010-2018 (Ausetalia ma Niu Sila)

Aiaiga : E totogi e le Malo pili o fanau aoga ae le toe totogiina e matua ni pili. 2019 Suia mai S.S.F.G.S I le O.G.G. (one Government Grant) ma Faasafua atu ai loa I Kolisi ma Aoga Faaauau.

Tumau pea le faamoemoe o le Malo, aua nei toe totogiina ni piliaoga e matua.

2. Aisea na faavae ai?

Ina ia mautinoa le faamalieina o le Tulafono “Faamalosia le Aooga uma o fanau ua faatulafonoina le tatau ona i totonu o potuaoga i tausaga ua faatatauina.

Aua nei toe iai se tamaititi e le alu i se aoga na o le leai o se piliaoga. Fesoasoani i le faatauina o meaaoga, tusiaoga a le fanauaoga ma faiaoga Totogiina o pilivai, pili eletise, ma le faaleleia o mea laiti.

O loo maioio uma atu i le tatou tusi faatonutonu (MANUAL) ma le pasene mo mea ua faatagaina.

A iai se mea e le au iai le O.G.G ( Komiti & Matua)

3. O ai e pule i le O.G.G?

* Ua tele fefinauaiga ona ua saili poo ai e pule o le tali e pule le Malo. Ao lona faaogaina ua taatia atu i le tatou Matagaluega e faasafua ma mataitu poo tausisia tulafono aiaiga ma faigafaavae e pei ona o le a sainia nei.

* Ua faaleo e nisi o Minisita e faapea o loo iai le to’a i le tatou O.G.G sa fesilgia ai e le Afioga i le Tamaitai Palemia i lea vaega. Na ou tali iai e leai se to’a ae ona ua le tausisia e nisi o puleaoga ma nisi o Komiti aiaiga ma faiga faavae o iina lea o loo tupu mai ai to’a e pei ona saunoaina

* Ia manatua susuga i Puleaoga ia manino ma silasila lelei e Komiti le aofaiga o le tupe a la outou aoga ma lona vaevaega & aofai o tamaiti aoga. Ua sai nisi o Faipule ua outou folafola o outou e pule i le Grant ua ou leai atu o lau Susuga ua ave atu iai le faatuatuaga o le Susuga i le Ofisa Sili ma le Matagaluega e tou te galulue faatasi soalaupule lelei mea e matua moomia ma talafeagai e ave iai le faamuamua & Talafeagai le Faatau.

* Meaaoga ma Tusiaoga a le fanau

* Meaaoga a faiaoga ma Tusi Aoga e aoga mo e aoaoinao le fanau

* Alagaoa ma mea e faaoga e faiaoga e tapena ai lesona mo fanau

Manaua e ao ona silafia e le Komiti mea o le a faatau e ala i Quotes ma Invoices mai kamupani o le a aumai

Ia silafia foi i susuga i faiaoga pe fia le seleni faaagaga mo latou e ala i alagaoa mo Tapenaga o Lesona a le fanau

* Tatou Komiti ia mataala lelei foi. Aua nei toe sainia se siaki e leo faapipia atua ai Quotes ma Invoices

* Aua foi le sailiili vale ma faalogologo tala ae fesili sao I le Puleaoga

* E iai le tou aia e fesiligia ai le puleaoga ae le mafai ona abeeseina le saini a le puleaoga.

4. Vaega 4: PILIAOGA

E pei ona faapupula atu i afuaga o lenei tupe, ina ia aua nei toe aoina ni tupe mai matua mo tamaiti aoga. O le mea ua mautinoa ua le faaaogaina le

“ UPU PILIAOGA, ae sui i le LAFOGA A MATUA ma ua sili atu le le mafaufau ua oo iai ni isi o Aoga. Aua le avea le sulu atu o le toatele o matua i la outou Aoga ma mea ua fai le fuafua lelei ai lea vaega.

Ua iai le faatatau a le Matagaluega, ina ia laugatasia uma tupe ao mai matua uma, e pei foi o tupe o loo faasafua atu I tamaiti taitoatasi o le O.G.G.

AOGA TULAGALUA UMA A LE MALO

Tamaiti Aoga uma i le Tulagalua ia le silia le $20.00 o se lafoga mo matua mo le tamaititi e toatasi.

Ia le silia i le $10.00 le tupe e lesitara ai se tamaotiti i lona faatoa ulufale ai i se aoga Tulagalua a le Malo. E tasi lava le tupe lesitara mo lona aoga ai i sea aoga tulagalua.

KOLISI UMA A LE MALO Ia le silia I le $30.00 se lafoga e aoina mai matu mo le tamaititi e toatasi

LESITARA : Ia le silia I le $50.00 le lesitara mo le faatoa ulufale i se Kolisi ma o lana lesitara lava lena mo lona aoga ai i sea Kolisi.

TOE FAAMANATU:

* E soalaupule i puleaoga ma le Komiti ae e faia toatasia na o se itu

faaiuga fai mo le au i luma o Aoga

* E saili tupe le Komiti aoga ma le Afioaga poo le Komiti faafoe (BOARD) e faatupe ai mea ua le gafatia i le seleni o le O.G.G.

* E le faatagaina ni sailigatupe, pepa lulu, tickets o siva e aafia ai fanau aoga

* O sailigatupe uma foi e ui uma i le Ofisa Tutotonu mo se faatanaga e pei ona iai a tatou faigafaavae e tusitalosaga i le Ofisa mo se faatanaga ma faamalamalama uma iai le mafuaaga o sailigatupe ona fua lea iai le talia ma le le talia.

* E ao ina faaoo uma mai lipoti o le faaaogaina o tupe uma e aoina mai i matua i lea kuata ma lea kuata ma le aotelega i le faaiuga o Tausaga taitasi.

* O le a galue le Susuga i le Loia a le Matagaluega e sailia uma aoga o loo faatalatu pea ma solitulafono i faamaumauga o Tupe a le malo OGG ma matua atoa ma Komiti ua ova a le 3 tausaga e lei suia

* Manuia le sainiga o tatou Aiaiga i le aso

SOIFUA.

Ata Pueina – Malo o Samoa (Taunuuga Toatasi)

February 21, 2025